The Egg Caldo Challenge

6:00 a.m. Welcome to Sison, Pangasinan!

Bago matulog, BUSOG. Pagkagising, GUTOM! Nag-stop over kami sa isang kaininan sa Sison, Pangasinan. Diretso sa banyo. Pagkatapos, napagkasunduan naming bumili ng Arroz Caldo. Nakakapanghalina kasi yung menu – parang fine dining:

• Plain Caldo         -------- 35
• Egg Caldo            ------- 40
• Chicken Caldo   -------- 45

Sus! Pwede namang Plain Goto, Goto with Egg o kaya Goto with Chicken. May pag caldo pang nalalaman. Kala tuloy naming kaalinsabay ng sosyal nitong pangalan ang lasang taglay nito. Pero bigo kami. Umasa lang kami sa wala. Nakapag-order na kami’t lahat lahat nang buksan ng nagtitinda yung higanteng kaldero, buo-buo na yung kanin or lugaw or whatever. Di man lang ininit. Wala na tuloy kaming nagawa kundi magbayad ng forty pesos kahit labag sa aming loob. (Paalam, forty pesos! L )

Nakakuha kami ng lamesa malapit sa pwesto nina Ma’am B, Sir Luis ♥ at Kuya JC.

Unang subo, parang baby food. Pangalawang subo.. pangatlo.. pang-apat. GAAAH. Di na namin nilasahan. Naka-deactivate na yung taste buds namin. Ilan sa mga motivator naming, “Panlaman tiyan din ‘to!”, “Yung iba nga walang makain”, “Para sa hustisya ng forty pesos!”. At para tuloy-tuloy na ang paglibang namin, inisip na lang naming na nasa Survivor kami at isa itong immunity challenge. Sa huli, nanalo sina Vert at Jayvee. Di kinaya ng sikmura namin ni Queency.

Pagkatapos ng Egg Caldo Challenge, nagpatuloy kami sa paglalakbay. Medyo trapik. May inaayos kasing kalsada. Ang lakas ng loob naming magbukas ng bintana. Pagkababa ng bintana, libreng face powder ang naganap. Hehe. Biglang nagkaroon ng kapayapaan sa van, busog na kasi ang lahat. Pagkatapos ng dalawang nakakabagot na oras, nasa Teacher’s Camp na kami.